કૈલાશ માનસરોવર યાત્રા: કૈલાસ માનસરોવર યાત્રા પાંચ વર્ષ બાદ આજથી શરૂ થઈ રહી છે. કોરોના મહામારીને કારણે વર્ષ 2020માં આ યાત્રા સ્થગિત કરવામાં આવી હતી. આ વર્ષે આ યાત્રા સિક્કિમના નાથુલા પાસ અને ઉત્તરાખંડના લિપુલેખ પાસના માર્ગ દ્વારા આયોજિત કરવામાં આવશે. વિદેશ મંત્રાલયના જણાવ્યા અનુસાર, આ યાત્રા જૂન, જુલાઈ અને ઓગસ્ટ મહિનામાં ચાલુ રહેશે. કૈલાસ પર્વતને ભગવાન શિવનું નિવાસસ્થાન માનવામાં આવે છે. સિક્કિમ સરકાર યાત્રીઓની સુરક્ષા સુનિશ્ચિત કરવા માટે અનુકૂલન કેન્દ્રો સહિતના માળખાગત સુવિધાઓનો વિસ્તાર કરી રહી છે. આ ધાર્મિક યાત્રા માટે યાત્રીઓમાં ઉત્સાહ જોવા મળી રહ્યો છે. 30 જૂનથી લઇને ઓગષ્ટ મહિના સુધી આ યાત્રા ચાલશે. આ યાત્રા દર વર્ષે પિથૌરાગઢ જિલ્લાના લિપુલેખ પાસેથી નિકળે છે.
કૈલાશ પર્વતનું વિશેષ મહત્ત્વ
કૈલાશ પર્વતને ભગવાન શિવનું નિવાસસ્થાન માનવામાં આવે છે. કૈલાશને ડેમચોકના નિવાસસ્થાનના રૂપમાં પણ માનવામાં આવે છે. કૈલાશ પર્વતનું નામ પહેલા તીર્થંકર ઋષભદેવ સાથે જોડાયું હતું. કૈલાશની સ્વાસ્તિક પર્વતના રૂપમાં પૂજા કરવામાં આવે છે. માનસરોવર ઝીલને પવિત્ર ગણવામાં આવે છે. હિન્દુ ધર્મ સાથે જોડાયેલી આ પવિત્ર જગ્યા છે. માનસરોવર યાત્રા પ્રાચીનકાળથી કરવામાં આવે છે. જેમાં ભગવાન શિવની પૂજા કરવામાં આવે છે અને માનસરોવર ઝીલમાં લોકો સ્નાન કરવા માટે આવે છે. આ યાત્રા હિન્દુ, બૌદ્ધ અને જૈન ધર્મ માટે પવિત્ર માનવામાં આવે છે.
કૈલાશ માનસરોવર યાત્રા 30 જૂનથી શરૂ થશે. આ યાત્રામાં 50 લોકોના કુલ પાંચ જૂથો હશે.50 લોકોની પહેલી ટુકડી 10 જુલાઈના રોજ લિપુલેખ પાસ દ્વારા ચીનમાં પ્રવેશ કરશે. છેલ્લી ટીમ ૨૨ ઓગસ્ટ 2025 ના રોજ ચીનથી ભારત પરત ફરશે. એટલે કે આ યાત્રા 10 જૂનથી શરૂ થશે અને 22 ઓગસ્ટ સુધી ચાલુ રહેશે. દરેક પ્રવાસી જૂથ દિલ્હીથી રવાના થશે. પહેલો સ્ટોપ ટનકપુર હશે જ્યાં ટીમને એક રાત માટે રહેવાની વ્યવસ્થા કરવામાં આવશે. આ પછી, ધારચુલામાં બે રાત, ગુંજીમાં બે રાત અને નાભિદંગમાં બે રાત રોકાયા પછી, ટીમ કૈલાશ માનસરોવર વિસ્તારમાં પ્રવેશ કરશે. પાછા ફરતી વખતે, શ્રદ્ધાળુઓ બુંદી, ચૌકોરી, અલ્મોડા થઈને દિલ્હી પહોંચશે. કુલ મુસાફરીનો સમય 22 દિવસનો છે.
ભારત સરકારની માર્ગદર્શિકા મુજબ, 50-50 લોકોની કુલ ૫ ટીમો કૈલાશ માનસરોવરની યાત્રા કરશે. એટલે કે કુલ 250 લોકો. જોકે કેટલાક ખાનગી ટૂર ઓપરેટરો કૈલાશ માનસરોવર યાત્રાળુઓ માટે વ્યવસ્થા પણ કરે છે, પરંતુ આ માટેની નોંધણી પ્રક્રિયા વિદેશ મંત્રાલયની વેબસાઇટ પર પણ કરવામાં આવે છે. જો તમે ખાનગી ટૂર ઓપરેટર દ્વારા મુસાફરી કરી રહ્યા છો, તો તેઓ તમને અરજી પ્રક્રિયામાં પણ મદદ કરી શકે છે.
