Gujarat Weather Forecast: ગુજરાતમાં હાલ વરસાદી માહોલ છવાયો છે. રાજ્યમાં ચોમાસું શરુ થતાંની સાથે જ મેઘ મહેર જોવા મળી રહી છે. જોકે, ગત અઠવાડિયું દક્ષિણ ગુજરાત માટે ખૂબ કપરું રહ્યું છે. અહીં મેઘરાજાએ પોતાનો કહેર વર્તાવ્યો હતો, જેના કારણે આખેઆખા શહેર પાણીમાં ગરકાવ થઈ ગયા હતા. હજુ હવામાન વિભાગ દ્વારા અતિભારે વરસાદની આગાહી કરવામાં આવી છે. ચાર જિલ્લામાં અતિભારે વરસાદનું રેડ એલર્ટ જાહેર કરાયું છે.
આગામી 7 દિવસ માટે અતિ ભારે વરસાદની આગાહી કરવામાં આવી છે. ઉત્તર અને દક્ષિણ ગુજરાતમાં ભારે વરસાદ પડી શકે છે. તો બનાસકાંઠા, સાબરકાંઠા, અરવલ્લી, મહીસાગર, દાહોદ, ગાંધીનગરમાં મેઘમહેર જોવા મળી શકે છે. આગામી 7 દિવસ ભારેથી અતિભારે વરસાદની સંભાવના છે. ઉત્તર ગુજરાત અને દક્ષિણ ગુજરાતમાં ધોધમાર પડી શકે છે. બનાસકાંઠા, સાબરકાંઠા, અરવલ્લીમાં અતિભારે વરસાદની આગાહી કરવામાં આવી છે. મહીસાગર, દાહોદ, ગાંધીનગરમાં અતિભારે વરસાદ પડી શકે છે. નવસારી, વલસાડ, તાપી, ડાંગમાં પણ અતિભારે વરસાદની શક્યતા છે.
હવામાન વિભાગની આગાહી
ત્રીજી જુલાઈ:
રેડ એલર્ટઃ બનાસકાંઠાસ પાટણ, મહેસાણા, સાબરકાંઠા
ઓરેન્જ એલર્ટઃ કચ્છ, સુરેન્દ્રનગર, ગાંધીનગર, અરવલ્લી, અમદાવાદ, મહીસાગર, ખેડા, આણંદ, પંચમાહાલ, દાહોદ, વડોદરા,
યલો એલર્ટઃ મોરબી, જામનગર, દ્વારકા, પોરબંદર, જૂનાગઢ, ગીર સોમનાથ, અમરેલી, ભાવનગર, રાજકોટ, બોટાદ, છોટા ઉદેપુર, નર્મદા, ભરૂચ, સુરત,તાપી, ડાંગ, નવસારી, વલસાડ, દમણ, દાદરા અને નગર હવેલી
ચોથી જુલાઈઃ
હવામાન વિભાગે 4 જુલાઈના દિવસે 12 જિલ્લામાં યલો ઍલર્ટ આપ્યું છે. જ્યાં છૂટાછવાયો સ્થળોએ ભારે વરસાદ જોવા મળશે.
યલો ઍલર્ટઃ સાબરકાંઠા, અરવલ્લી, મહીસાગર, દાહોદ, ગીર સોમનાથ, દીવ, નવસારી, વલસાડ, દમણ, દાદરા અને નગર હવેલી
પાંચમી જુલાઈઃ
હવામાન વિભાગે 5 જુલાઈના દિવસે 3 જિલ્લામાં ઑરેન્જ ઍલર્ટ આપ્યું છે. આ જિલ્લામાં આજે છૂટાછવાયા સ્થળે અતિભારે વરસાદ જોવા મળશે. આ સિવાય 15 જિલ્લામાં યલો ઍલર્ટ જાહેર કર્યું છે. જ્યાં ભારે વરસાદ જોવા મળશે.
ઑરેન્જ ઍલર્ટઃ અરવલ્લી, મહીસાગર, દાહોદ
યલો ઍલર્ટ કચ્છ, બનાસકાંઠા, પાટણ, મહેસાણા, સાબરકાંઠા, પંચમહાલ, છોટા ઉદેપુર, નવસારી, વલસાડ, દમણ, દાદરા અને નગર હવેલી, ભાવનગર, અમરેલી, ગીર સોમનાથ અને દીવ
હવામાન શાસ્ત્રી અંબાલાલ પટેલની આગાહી અનુસાર 3 થી 7 જુલાઈ વચ્ચે રાજ્યના કેટલાક ભાગોમાં ધોધમાર વરસાદ વરસશે છે. આ સાથે જ કેટલાક ઠેકાણે ગાજવીજ, ભારે પવન સાથે વરસાદની શક્યતા છે. તો દક્ષિણ ગુજરાત, મધ્ય ગુજરાતમાં ધોધમાર વરસાદ સાથે ઉત્તર ગુજરાત, સૌરાષ્ટ્રમાં પણ ભારેની શક્યતા અંબાલાલ પટેલે સેવી છે.
